Garasjeland

noveller

Velg format

Tilbudspris kr 332 Før kr 379
På lager
ISBN
9788249522620

Vis info om boka Skjul info om boka

Utgitt 2020
ISBN 9788249522620
Innbinding Innbundet
Tittel Garasjeland
Bokgruppe 412
I salg 11.09.2020
Design Exil Design
Emne Noveller Skjønnlitteratur
"Dette var min første sommar i Garasjeland. Juli kom med ei hetebølge som varte i tre veker. Midt på dagen steig temperaturen til over førti grader. Far min hadde ikkje investert i kjøleanlegg, så om nettene sette vi oss i bilen og kjørte ut på dei opplyste motorvegane. Han ville sjå skogbrannane som herja langs kysten. Ei natt stansa vi på ein nedlagt bensinstasjon, steig ut og blei ståande. Oske fall frå himmelen, nesten som snø, bare at ein blei svart på tunga om ein fanga dei gjennomsiktige flaka."

Ein sekstenåring flyttar inn hos faren i Garasjeland, og dei rekordvarme sommarvekene der skal merke han for livet. Den unge mannen i "Oslo" kjem tilbake til heimbyen for å få hemn. Det gifteklare paret i "Den siste øya" har investert i drømmereisa som ifølge operatøren vil gi dei isolation level: High, men er dei heilt åleine? I "Inntrengar" stirer eit norsk par forundra inn på mannen som med spansk lov på si side har flytta inn i feriehuset deira. Polakken i "YNWA" er langpendlar med jobb på vestlandsk fiskeslakteri og ei gryande erkjenning av at Norge er meir enn lykke og frisk luft. "Slutten på historia" skildrar vakkert møtet mellom to tidligare kjærastar ein sur kveld den spesielle våren 2020.

I si tiande novellesamling tar Frode Grytten oss med til Oslo, Bergen, Torrevieja, Sotra, Paris, Las Vegas og det maskuline Garasjeland. Forfattaren viser korleis folk som er drive av lengt og kjærleik og fanatisme, søker fellesskapet, men heile tida med einsemd og isolasjon som like sannsynlige utfall. Som alle drømmarar må dei ta konkrete val og nærme seg andre personar på eit vis som trugar med å rasere illusjonen om det perfekte.
"Fantastisk verkelegheitsflukt! Saknar du resten av verda? Bli med Frode Grytten på spennande reiser til Spania, merkelege stillehavsøyer, diverse stadar i Noreg – og ikkje minst til Garasjeland … akkurat som et måleri så formidlar novellene kjensler, stemningar, augeblikk og vakre scenar direkte og ærleg. Eg synest at du bør kjøpe Garasjeland og ta ho med deg overalt"
MAGNUS ROTEVATN, FRAMTIDA
Frode Grytten

Frode Grytten

Frode Grytten (f. 1960) har skrive bøker i dei fleste sjangrar og har nådd eit stort publikum. Han har mellom anna vunne Brageprisen, Rivertonprisen og Nynorsk litteraturpris, og bøkene hans er omsette til 15 språk.

Flere forfatterportretter

Litterære priser:

2017 Bjørg Vik-prisen
2008 Melsom-prisen
2007 Sunmørsprisen
2007 Nynorsk litteraturpris
2006 Samlagsprisen
2005 Rivertonprisen
2003 Norsk språkpris
1999 Brageprisen

 

Utgitt på Oktober

2020 Garasjeland. Noveller
2019 Landet bortanfor landet. Område 51. Protestsongar
2017 Menn som ingen treng. Noveller
2015 Sånne som oss. Skodespel
2013 Brenn huset ned. Roman
2011 Saganatt. Roman
Les mer