Echo Mountain

forteljingar frå L.A.

Velg format

kr 179
På lager
ISBN
9788249520251
"Essay, bruddstykker, tanker og filosoferinger rundt L.A., en by jeg tror jeg ikke liker. Men boka fascinerer og virker som et friskt pust på norsk"
ELLEN ENGELSTAD, KLASSEKAMPEN, Årets beste bøker 2018
"våkne blikk på en tiltakende ensomhet og et fremmed L.A. i mørketid og regnvær, en veksling mellom hverdag, kunst og historie som minner om Gombrowicz' geniale dagbøker ... bildene er skarpe og fulle av poetisk klarhet ... brennende aktuelle"
ELIN KITTELSEN, KLASSEKAMPEN BOKMAGASINET
«... eg veit at eg alltid har likt det som er slik LA er, spraglete, smektande, motstridande, det som er for mykje, det som ikkje er stilreint, ikkje samanhengande, eit mylder. Det går ikkje an å finne eit punkt der alt starta, det går ikkje opp; dette er berre ein måte å fortelje ei historie på. LA er inga logisk forteljing. Det er derfor eg vil fortelje den.»

Los Angeles er hovudperson i Anna Kleivas første prosabok, som gjennom ulike perspektiv og forteljemåtar forsøker å kartleggje og forstå den oppdelte og sprikande amerikanske byen. Reiseskildringar frå fleire møte med L.A. i perioden 2008-2017 blir i denne boka føydd saman med forteljingar, samtalar, poetiske og essayistiske tekster, og ei viss Angelenas brev til ukjend adressat.

«Echo Mountain» handlar om byen som draum, myte og fiksjon, men også om jakta på kva slags stemmer, historier og realitetar som skjuler seg under den glitrande overflata. Det er ei bok om å ha ein kjærleiksaffære med ein by, om tiltrekking og utstøyting, men også om å betrakte og skildre: Korleis fortelje om det som er skiftande og fullt av motsetningar, som ikkje lèt seg fange eller avgrense?

Anna Kleiva kombinerer forteljande, sansande og essayistisk språk på ein eigenarta måte, og viser byen som natur og konstruksjon, jungel og maskin: «Echo Mountain» er eit flettverk av tekster om byen slik den blir sett frå fjellet, ørkenen, motorvegen eller Downtown, og slik den møter oss i litteratur, poesi, film, folklore og musikk, i kulturen og historia.

Det er ei rik og mangslungen bok, dels inderleg og subjektiv, dels undersøkande og analytisk, tvers igjennom fascinerande og klok.

Boka er illustrert med fotografi av Yngvild Gotaas Torvik.

Vis info om boka Skjul info om boka

Utgitt 2018
ISBN 9788249520251
Innbinding Ebok
Tittel Echo Mountain
Bokgruppe 852
I salg 08.10.2018
Emne Los Angeles Essay Reiseskildringer Faglitteratur Reiser Prosastykker
Anna Kleiva

Anna Kleiva

Anna Kleiva er fødd i 1985 i Oslo. Ho er oppvaksen på Vinstra og bur i Oslo. Ho gav ut diktsamlinga Ti liknande versjonar i 2011. Vårar seinare er den andre boka hennar. Boka blei tildelt Natt & Dags Oslopris Årets bok 2014, og Melsomprisen 2015. I 2015 blei Anna Kleiva også tildelt Bjørnsonstipendet på 25.000 kroner og Diktardagarprisen 2015 under Diktardagar i Lom, Skjåk og Vågå mottok.

 

Litterære priser:

Bjørnsonstipendet 2015

Diktardagarprisen 2015

Melsomprisen 2015

Osloprisen 2014

 

Utgitt på Oktober:

2018 Echo Mountain. Forteljingar frå L.A.
2016 Drikkeviser frå Paris
2014 Vårar seinare
2011 Ti liknande versjonar
Les mer

Yngvild Gotaas Torvik