Vesen

roman

Velg format

kr 298
ISBN
9788249500635
«Jordbærplukkarar trengst på Laden - 2 km.» Og eg såg denne plakaten, tjukke sprittusj-strekar, eit teikna jordbær mot signalgul kartong. Kvifor ikkje? Bada i jordbær, monotont riva bæra av stilkane, i korga, i munnen, i korga, no og då kikka opp på det blå. Jordbæret, når du deler det på langs, når du skjønar du har fanga det vakraste, det mest pirrande ein åker kan gje deg. Når du tygg ein bit, og du ser det kvite i sentrum, det rosa, det raude, gåsehuda utanpå, og det grøne bladet bæret skjuler seg bak. Når du finn ei meining i det du dyrkar. Ei ny meining. Og eg veit at Ylva ikkje kjem etter meg, eg veit at ho ikkje kjem attende, ho vil ikkje finna meg der heime, og eg veit at ho ikkje vil leita, det er forbi, ho handla og braut ut, gjorde det eg ikkje klarte å tenkja ferdig, og er det difor eg køyrer opp denne grusvegen, er det difor eg svinga av, tenkjer eg, er det difor eg kjenner denne mektige kjensla av å vera på veg inn i noko som drar meg opp?

Vis info om boka Skjul info om boka

Utgitt 2001
ISBN 9788249500635
Innbinding Innbundet
Tittel Vesen
Bokgruppe 410
Emne Romaner Skjønnlitteratur Reiser
Eirik Ingebrigtsen

Eirik Ingebrigtsen

Eirik Ingebrigtsen (f. 1975) er forfattar og prosjektansvarleg i Norsk Forfattersentrum. Han er frå Os, og bur i Oslo. Han har skrive romanane Vesen (2001), Snø dempar lyd, tre lukkar inne (2003), Vendrakovic (2006), Viddesyn (2009), Heimfall. Ei juleforteljing (2012), Spikrar frå fallande plankar (2015) og Kvit bok mørk vinter (2018), og saman med Gunstein Bakke har han redigert antologien Respons 22/7 (2011).

I 2007 blei Eirik Ingebrigtsen valt ut som norsk forfattar til «Scritture Giovanni», eit europeisk litteraturprosjekt. For romanen Heimfall. Ei juleforteljing blei han kortlista til P2-lytternes romanpris 2012.

I 2013 ble Eirik Ingebrigtsen tildelt Sultprisen for forfattarskapet sitt. Sultprisen er ein litterær pris som blir delt ut årleg av styret for Gyldendals Legat. Les pristala frå Tom Egil Hverven, leiar av Gyldendals legatstyre og litteraturkritikar i Klassekampen:  Sultprisen 2013 – pristale til Eirik Ingebrigtsen 

I 2016 blei Ingebrigtsen tildelt Nynorsk litteraturpris for romanen Spikrar frå fallande plankar. I 2018 blei han på ny kortlista til P2-lytternes romanpris, no for Kvit bok mørk vinter.

Les mer