Våkenetter

"Intenst trekantdrama mellom ho, han og døden. Våkenetter er ei sterk historie om kven ein blir når døden flyttar inn i det heilt vanlege livet utan varsel… Vekslinga mellom det brutalt direkte og meir indirekte måtar å fortelje på, er eitt av fleire svært gode val i romanen. Å la naturen få ein stor og sjølvsagt plass i livet til dei to er eit anna godt val. Dessutan er det eit pluss at både Agnes og Eivind har vanskelege sider, som blir sett på spissen etter kvart som døden kjem tettare på. Sjølv om dei er spesialistar i legevitskapen, er dei ikkje spesialistar verken på å døy eller på å vere pårørande … ein uvanleg sterk og velskriven debutroman, som greier å fange nyansane i ei livskrise utan å bli omstendeleg."

"Når døden flyttar inn i huset til Eivind og Agnes, blir livet sett på spissen. Inn kjem spesialseng, tisseflasker, morfinsprøyter og tankar om liv og død.. Eivind har kreft. Begge er legar og veit kva det handlar om, men ingen er spesialist på ein eigen død, eller på å miste den aller næraste. Christine Nitter tek oss tett på frykt, komikk, sjalusi, omtanke, sinne og medkjensle, ofte i kombinasjonar: Kva er det som får Eivind til å leggje føringar for livet til Agnes etter at han er død? Ei sterk historie om livet like før døden."