Den framande byen

ein roman om Wilhelm Reich

Velg format

kr 119
På lager
ISBN
9788249512706

Vis info om boka Skjul info om boka

Utgitt 2013
ISBN 9788249512706
Innbinding Ebok
Tittel Den framande byen
Bokgruppe 852
I salg 11.12.2013
Emne Skjønnlitteratur Historisk litteratur Historiske personer Psykoanalyse Romaner
I romanen Den framande byen teiknar Lars Amund Vaage eit portrett av den omstridde psykologen Wilhelm Reich. Forteljaren ligg tett opp til Reich sjølv, og Vaage gir oss eit innblikk i det allmenne så vel som det heilt spesielle ved denne komplekse og fascinerande mannen. Hovuddelen av romanen går føre seg i Noreg under den første delen av Reichs opphald i 1934. Her blir venskapen hans med Sigurd Hoel skildra, og samarbeid og kontroversar med andre sentrale personar i det norske kulturelle miljøet. Romanen gir også glimt frå Reichs barndom og oppvekst i Bukovina, studietida i Wien og forholdet til Freud.
”Ja. Ja, jeg liker Den framande byen … Jeg kjenner ikke Wilhelm Reich. Han er et navn, et kjent navn, som dukker opp, igjen og igjen. Derfor er jeg nysgjerrig. Og jeg blir fanget av Lars Amund Vaages bilde av mannen ... Den framande byen jager meg bort og trekker meg tilbake. Jeg kretser om boken. Leser, reiser meg opp fra stolen, gjør noe annet og må tilbake, ikke bare fordi dette skal skrives, men fordi teksten plager meg, slipper meg ikke, og jeg liker det”
EINAR O. RISA, VINDUET
Lars Amund Vaage

Lars Amund Vaage

Lars Amund Vaage (fødd 1952) vaks opp på Sunde i Kvinnherad og studerte klaver ved Griegakademiet i Bergen. Han debuterte som forfattar i 1979 med romanen Øvelse Kald vinter og har sidan gitt ut romanar, noveller, diktsamlingar og barnebøker.

I 1995 gav han ut romanen Rubato, som han fekk Kritikerprisen og Nynorsk Litteraturpris for, og som dessutan vart nominert til Nordisk råds litteraturpris. Vaage har fått Aschehougprisen, Oktoberprisen, Gyldendalprisen og Doblougprisen for samla forfattarskap. I 2002 vart han nominert til Brageprisen for Kunsten å gå, og i 2012 fekk han Brageprisen for Syngja, ein roman basert på erfaringane med å ha eit barn med alvorleg autisme.

Vaage er ein framifrå stilist og formelt utprøvande i det han skriv. Han er oppteken av kva som skjer med menneska i eit samfunn der tradisjonane vert borte, av personar som tek val på tvers av det som vert sett på som riktig. Kva skjer med dei som skiljer seg ut? Kva fortel situasjonen til dei svake om samfunnet dei bur i? Språkløyse og musikkens språk er sentrale tema hos han, det same er spørsmålet om kjærleikens karakter og vilkår. Vaage er ein framifrå stilist og formelt utprøvande i det han skriv. 

I 2001 var Vaage festspeldiktar ved De internasjonale festspillene i Bergen, og i 2008 ved Dei nynorske festspela. I dei seinare åra har han samarbeidd med fleire musikarar, og i 2018 skreiv han Vinje, vår mann for Sogn og Fjordane teater og litteraturforumet «Rom for ord» og turnerte med denne framsyninga som pianist saman med tenoren Aasmund Kaldestad og skodespelar Kyrre Eikås Ottersen. Vaage verkar òg som gjendiktar.

Verk av Vaage er omsett til engelsk, hindi, polsk, russisk, svensk og tysk.

 

Litterære priser

2012 Brageprisen
2012 Nynorsk litteraturpris
2011 Melsomprisen
2005 Emmaus-prisen
2002 Gyldendalprisen
2002 P2-lytternes romanpris
2001 Festspildikter i Bergen
1999 Oktoberprisen
1997 Doblougprisen
1995 Kritikerprisen
1995 Aschehougprisen
1995 Nynorsk litteraturpris
1993 Samlagsprisen
1990 Alfred Andersson-Ryssts fond

 

Les mer