Felemakaren

Velg format

Forventet i salg 10.10.2020
kr 399
ISBN
9788249521425

Vis info om boka Skjul info om boka

Utgitt 2020
ISBN 9788249521425
Innbinding Innbundet
Tittel Felemakaren
Bokgruppe 411
Emne Romaner Skjønnlitteratur
"Felemakaren og døtrene hans" er romanen om bondeguten Lars Olsen Hoem, som rett etter konfirmasjonen må marsjere av garde for å ro kanonkuler under slaget på Københavns Red og blir vitne til at mange av kameratane hans misser livet.

Under kystblokaden 1807-14 reiser han til Arkhangelsk for å hente rug, men galeasen blir kapra av britiske Jolly Tar, og Lars og dei andre lever i fire år som krigsfangar på eit overfylt fangeskip utanfor Plymouth.

I den svartaste naud og stort mismot møter han ein fransk medfange som lærer han å bygge fiolinar. Dermed kan livet hans ta ei ny vending. Han som hadde drøymt om eit liv på verdshava blir felemakar i ein vestnorsk småby, der han lever saman med ei kvinne han elskar og sju døtrer som fyller livet hans med meining.

Krefter som vi ikkje rår med kan opne dørene til eit liv som i ettertanken framstår som ei stor gåve.

Lars Hoem var født på Hoem i Romsdal i 1782. Han er grandonkelen til Serianna, som blir gift med Knut Hansen Nesje, kjent som slåttekaren i Edvard Hoems slektskrønike.
Edvard Hoem

Edvard Hoem

Edvard Hoem (f. 1949) debuterte i 1969 og har sidan vore svært produktiv som romanforfattar, dramatikar, salmediktar og Shakespeare-gjendiktar. For Kjærleikens ferjereiser (1974), Prøvetid (1984), Ave Eva (1987) og Mors og fars historie (2005) vart han innstilt til Nordisk Råds litteraturpris. For Mors og fars historie mottok han Melsomprisen og Petter Dass-prisen, og han vart òg innstilt til Kritikerprisen. I 2007 gav han ut den kritikerroste Faderen. Peder Bjørnson forsvarer seg. Frå 2009-2013 gav Hoem ut biografien om Bjørnstjerne Bjørnson i fire band: Villskapens årBjørnstjerne Bjørnson 1832–1875 (2009), Vennskap i storm. Bjørnstjerne Bjørnson 1875–1889 (2010), Syng mig hjæm. Bjørnstjerne Bjørnson 1890–1899(2011) og Det evige forår. Bjørnstjerne Bjørnson 1899–1910 (2013). I 2011 vart Hoem tildelt statsstipend og i 2013 fekk han Språkprisen. I 2014 gav Hoem ut Slåttekar i himmelen, første band i den bestseljande romanserien om slekta frå Romsdal. Dei fire bøkene, Slåttekar i himmelen (2014), Bror din på prærien (2015), Land ingen har sett (2016) og Liv andre har levd (2017), har eit opplag på over 500.000. Den kritikerroste Jormor på jorda. Huset under Blåhammaren er eit forspel til serien, og kom ut i 2018 til strålande kritikkar.  I 2019 vart Edvard Hoem tildelt Brages hederspris, og i 2020 vart han utnevnt til Kommandør av St. Olavs Orden for sin framragande innsats for norsk litteratur og kulturarv.

Litterære priser:

Brages hederspris 2019

Språkprisen 2013

Neshornet, Klassekampens kulturpris 2009

Ibsenprisen 2008

Petter Dass-prisen 2007

Melsomprisen 2006

Gyldendalprisen 1989

Melsomprisen 1988

Doblougprisen 1988

Nynorsk litteraturpris 1987

Aschehougprisen 1985

Kritikerprisen 1974

Les mer