Design: Exil Design
Last ned høyoppløselig versjon av omslag
Pris kr 228,00

Troilus og Kressida

Gjendikta av Edvard Hoem

Hoem, Edvard
Shakespeare, William

HFT Pris kr 228,00
| ISBN 978 82 7094 652 5

Troilus og Kressida er ulikt alt anna Shakespeare har skrive. Det svingar frå langdryge opptog til gneistrande poesi, frå grovkorna harselas til mild ettertanke. Det er eit stykke om dårskapen til menneske og det vilkårlege ved tilværet. Det fortel om krigar utan grunn, om hovmod og dovenskap og truløyse. Dei greske heltane som gjekk mot Troja for å hente heim si bortførte dronning Helena, er hos Shakespeare blitt ein gjeng aldrande sjarlatanar som knapt minnest kva dei fører krig for. Det er komisk og burlesk i forma, men det endar i ein desillusjon, der både krigen og kjærleiken går på tomgang. Dermed skimtar ein kanskje ei forklaring på at stykket no står på speleplanane over heile verda: Det fornyar seg i kraft av vår tids erfaringar, møter vår livskjensle, blir aktuelt, ikkje fordi det er tidlaust, men fordi det har djup innsikt i dei mørke tidsaldrar da ideala og utopiane står for fall, da dårskapen ikkje blir straffa og den edle handling ikkje får si løn.

Edvard Hoem